پایگاه اطلاع رسانی وااسلاماه

 

باید یقین کامل داشته باشی که با قرآن زنده ای و بدون قرآن مرده

با قرآن بینایی و بدون قرآن نابینا

با قرآن هدایت یافته ای و بدون قرآن گمراه

با قرآن دانشمندی و بدون قرآن نادان

اول الله، آخر الله ، ظاهر الله، باطن الله، فقط الله

بهترین یاد خدا ورد (لااله الا الله) است

آمار کلی سایت
  • کل مطالب 2335
  • کل نظرات 9753
  • کل اعضا 1706
  • جدیدترین عضو امیر
خبرنامه
خواهرمسلمان
| بازدیدها: 39100

انسانءِ ارزش په آئیءِ ایمان، تقواءُ خداترسیءِ اندازه إنت

شیخ الإسلام مولانا عبدالحمیدءَ په نفسءِ اصلاحءَ تأکید کتءُ انسانءِ ارزشی ماں ایمانءُ تقواءُ خداترسیءَ جاه آرت.

زاهدانءِ اهلسنتءِ جمعهءِ پیشنمازءَ ماں جمعهءِ گپاں(۶/دیماه/ ۱۳۹۲)ءَ پرمائینت: مهتر رسول اللهءَ ارشاد پرمائینتگ: «الناس معادن کمعادن الذهب والفضه خیارهم فی الجاهلیه خیارهم فی الإسلام إذا فقهوا» پهکیں مردماں معدن أنت؛ هر راجءُ قومے یک معدنے شمار بیت.
قبیلهءُ ٹولیاں وڑوڑیں معدن أنت؛ بلے اختلاف بس طلاهءُ نقرهءِ اندازه إنت. چه لهتے معدنءَ طلاه در کنگ بیت ءُ چه لهتے نقره، البت هر دوئیں نقد أنت ءُ حدیثءِ بزانت هں همش إنت که چه دراهیں مخلوقات، انساناں نقد أنت. مهتر رسولءَ  انسان په دگه معدنے چوشکه مسءُ آسنءَ تشبیه نکت، بلکیں بس په طلاهءُ نقره تشبیه کت. پَدّر بیت که انسان چه إے دگه موجوداتءَ گیشتر ارزش داریت.
واجه ماں إے حدیثءِ گیشءُ گیوارءَ پرمائینت: دلگوش کرزیں گپ إشنت وهدے که طلاهءَ چه معدنءَ در کن أنت آ شمش نهنت، بلکیں بایدإنت ماں کوره ءَ آپ کنگ ببیت تا که ڈوکءُ هاک چه آئیءَ جدا ببنت. همے پیمءَ انسان وهدے که چه ماتءَ بیت خالصءُ زگر نه إنت ، بلکیں بایدإنت تزکیهءُ اصلاح ببیت تا که ردیں اخلاق چه آئیءِ وجودءَ در ببنتءُ ناخالصیانی دور کنگ ببنت.
 واجهءَ دیمءَ پرمائینت: انسان خداءِ گورءَ همینچو ارزش داریت که چه پرشتگاں دوستناکترإنت.
 خداءَ انسان کرامتءُ مزن شانی بکشایتگ. مومنیں انساناں چه پرشتگاں دوستناکترأنتءُ خاصیں بندگاں چه خاصیں پرشتگاں دوستناکترأنت. مهتر محمدءُ إے دگه نبیانی جاگه چه مقربیں پرشتگاں برزترإنت.
زاهدانءِ اهلسنتءِ جمعهءِ پیشنمازءَ پرمائینت: زمینءِ سرءَ انسانانے هست أنت که اللهءِ گورءَ دوستناکءُ نزیک أنتءُ لهتے دگه انسان هست که خداءِ گورءَ چه حیوانءَ هں بدتر أنت .
انسانءِ ارزش په آئیءِ ایمان، تقواءُ خداترسیءِ اندازه إنت.
دارالعلوم زاهدانءِ مدیرءَ ماں إے بهرءِ گپانی آسرءَ گوں إے گپءِ بیان کنگءَ « هچ یکے چه شریعتءِ پرماناں چه حکمتءَ خالیگ نه إنت» پهکانی په شریعتءِ تابعداریءَ توصیه کتءُ پرمائینتی:  هچ یکے چه شریعتءِ پرماناں چه حکمتءَ خالیگ نه إنت، اگاں چه حکمتءَ خالیگ ببوتین أنت ما پدا هں اطاعت کتگ أت بلے درستاں حکمت دار أنت. عمل کنگ په شریعتءِ پرماناں انسانءَ گوں خداءَ نزیک کنت ، بلے گناهءُ معصیت انسانءِ ارزشءَ گار کنت.
ذمه دارانی آیگ په سیستانءُ بلوچستانءَ، دولتءِ خاصیں دلگوشی په إے استان إنت
مولانا عبدالحمیدءَ ماں بهرے چه وتی گپاں ماں جمعهءِ نماز په ملکءِ ذمه دارانی آیگ په استان سیستانءُ بلوچستانءَ اشاره کتءُ إے چیزی دولتءِ خاصیں دلگوشی ماں إے استانءَ زانت.
زاهدانءِ اهلسنتءِ جمعهءِ پیشنمازءَ پرمائینت: گوستگیں هپتگءَ ملکءِ بازیں ذمه دار منجمله ڈاکٹرنوبختءُ همے پیمءَ حجت الاسلام یونسی، راجکماشءِ خاصیں دستیارماں راجءُ مذهبانی امورءَءُ دگه لهتے عزیزیں ذمه دار په سیستانءُ‌بلوچستانءَ آتک أنت که إشاں پهکاں تدبیرءُ امیتءِ خاصیں دلگوشی په استان إنت.
واجهءَ دیمءَ گوشت: لهتے استان که پیسرءَ محروم بوتگ أنت، هنو چه سیریں استانان أنت؛ بلے سیتانءُ‌بلوچستان انگتءَ چه زبهریں استانان إنت په إے علتءَ که چه صنعتءُ کارجاهاں بے بهرإنت.
مولاناعبدالحمیدءَ په لهتے چیریں استعداداں اشاره کتءُ‌پرمائینتی: سیستانءُ بلوچستانءِ استانءَ چیریں استعداد هست که اگر کارگرگ ببنتءُ مسئولاں گیشتر دلگوش بکن أنت گڑا إے استان زوت دیمروی کنتءُ حنی توانیت ملکءِ مرکزببیت.
واجهءَ پرمائینت: انسانی واکءُ کاربلدیں مردماں چه إے استانءِ مزنیں استعدادان أنت که اگاں په آیاں دلگوش کنگ ببیت استانءَ تبدیل کت کن أنت.
شیخ الاسلامءَ دیمءَ ” روحانیءِ گیشتر دلگوش دیگ”ءُ “سفر په استان سیستانءُ بلوچستان”ءَ لوٹوک بوتءُ پرمائینتی: هما پیمءَ که شما چه دولتءِ‌ دلگوش دیگ په إے استانءَ سهیگ إت مئی واهگ همش إنت که گیشتر دلگوش بکنتءُ همے زوتاں إے استانءَ بیئیت.
واجهءَ إے استانءِ مردماںءُ اهلسنتءِ بارهءَ پرمائینت: إے استانءِ مردماںءُ اهلسنت راستینءُ براتیءِ راهءِ سرءَ أنتءُ چه افراطءُ شدتءَ دورأنت.
مولانا عبدالحمیدءَ ماں آسرءَ پرمائینت: ایرانءِ مردم شیع ببنت یا سنی بایدإنت چه ترندرویءُ افراطءَ دوری بکن أنتءُ په ملکءِ آباتیءُ سرسبزیءَ گوں یکادگرءَ تپاک ببنتءُ دلگوش بکن أنت که دورچاریءُ سعه صدر چه فهیمیں راجءُ قومانی خصوصیتان إنت.

منبع:سایت سنی انلاین

| ۱۵ دی ۱۳۹۲
۲ پاسخ به “نصیحت زیبای مولانا عبدالحمید(به زبان بلوچی)”

  1. latghnatoo says:

    ramin,

    ترجمه این نصیجت زیبای مولانا عبدالحمید را ازسایت سنی انلاین به فارسی گرفتم و به صورت ورد قرار دادم به ادرس زیر مراجعه بفرمایید و دانلود کنید وان شاءالله از نصایح ارزشمند مولانا مطلع خواهید شد.

    http://s5.picofile.com/file/8107665518/%D8%AA%D8%B1%D8%AC%D9%85%D9%87_%D9%86%D8%

    B5%DB%8C%D8%AD%D8%AA_%D9%85%D9%88%D9%84%D8%A7%D9%86%D8%A7_%D8%B9%D8%A8%D8%AF%D8%

    A7%D9%84%D8%AD%D9%85%DB%8C%D8%AF_%D8%A8%D9%87_%D9%81%D8%A7%D8%B1%D8%B3%DB%8C_.do


  2. ramin says:

    من هیچی نفهمیدم چررررااا؟؟؟؟؟؟؟؟؟؟؟؟؟؟؟؟؟؟؟؟؟

یک دیدگاه بگذارید

جستجو
آخرین مطالب
پیوندهای محبوب
آمار سایت
  • کاربران آنلاین 21نفر
  • بازدید امروز 44770
  • بازدید دیروز 124304
  • بازید کل 107392992

این سایت در ستاد ساماندهی پایگاه های اینترنتی وزارت فرهنگ و ارشاد اسلامی به ثبت رسیده است.

کلیه حقوق برای پایگاه اطلاع رسانی وااسلاماه محفوظ میباشد.

استفاده از محتوای وااسلاماه با ذکر منبع و آدرس سایت بلامانع است. | تگ ها

Powered By Vaislamah.com - Copyright © 2010-2015 Vaislamah.com